2008年3月15日

今日真系吾容易吖……行程超紧密啊！一点就去G，G到两点几就同珊珊出发去水荫路，原先琳住搭地铁去，后尾捻捻吓又觉得坐车就吾洗行感远，足之兜左个大圈去搭192，真无奈。响部车度den吓den吓den左N耐先到。

哩个时候，珊珊突发奇想，捻翻起大学果阵我地曾经讲过，做左野之后要去怡乐路果边既路边咖啡屋仔度饮咖啡。因为当时觉得果间咖啡屋仔既外围整得几有特色，好似特色小店，于是就有感样既约定啦。当决定今晚过去实行哩个计划后，我地就开始行水荫路啦……啊！其实去水荫路既目的系买肚皮舞既腰链。都学左一段时间，再吾买好似讲悟过去，嘻嘻！

经过漫长既格价战，终于买到岩心水既链链啦。跟住就陪珊珊搭车过省邮校拿野，再来就系，步行行翻过师大暨大果边间黑暗餐厅度食野……脚仔软啊……简直就系继哩个线路调查之后，行路行得最多既一次……

九点三十分左右，终于去到咖啡屋仔！间屋仔个名叫做Yes No Coffee。(下面有相睇啊)由于之前精力已经消耗得7788，搞到珊珊帮我影既相泄露左我个疲惫样出黎，呵呵。

可惜，间屋仔并吾系我地想象既感样。之前剩系响出面望过据，无入过去，而家坐落望清里面，都几失望，心理落差好大啊，同我地既想象差好远哦……入面既装修比较普通，淡淡卡其色既天花，深红色既墙身，间隔几盏挂灯，同外围比较，就变得无乜太大既特色，一间普通小咖啡屋既样，不过，可以实现读书果阵既约定，都系一件吾错既事黎既！